2009 is celebrated as International Year of Astronomy 2009. For any information regarding international Year of astronomy please visit ***** http://www.astronomy2009.org *****

Wednesday, August 5, 2009

സ്പിറ്റ്സര്‍ കണ്ട ബ്ലാക്ക് ഹോള്‍ ഗാലക്സി


സ്പിറ്റസ്ര്‍ ദൂരദര്‍ശിനി തമോദ്വാരമുള്ള ഗാലക്സിയെ കണ്ടെത്തിയിരിക്കുന്നു


ആകാശഗംഗയോട് സാമ്യമുള്ള ഗാലക്സിയാണിത്. NGC 1097 എന്ന പേരുനല്‍കിയിട്ടുള്ള ഈ ഗാലക്സി 5 കോടി പ്രകാശവര്‍ഷം അകലെയാണ്. അഞ്ചു കോടി കൊല്ലം മുന്‍പ് ആ ഗാലക്സിയുടെ അവസ്ഥയാണ് നാം ഇപ്പോള്‍ കാണുന്നത്. സര്‍പ്പിളാകൃതിയാണ് ഈ ഗാലക്സിക്ക്. ഇതിന്റെ കേന്ദ്രത്തില്‍ ഒരു തമോദ്വാരം ഉണ്ടാകും എന്നു കരുതുന്നു. തമോദ്വാരത്തിനു ചുറ്റും നിരവധി നക്ഷത്രങ്ങളുടെ ഒരു വലയവും ഉണ്ടാകാം എന്നാണ് നിഗമനം.

നമ്മുടെ സൂര്യനേക്കാള്‍ 10 കോടി മടങ്ങ് ദ്രവ്യം ഈ തമോദ്വാരത്തില്‍ ഉണ്ടാകും . ചുറ്റുമുള്ള പല നക്ഷത്രങ്ങളും ഈ തമോദ്വാരത്തിന്റെ ആകര്‍ഷണവലയത്തില്‍ പെട്ടിരിക്കുന്നതിനാല്‍ തമോദ്വാരത്തിന്റെ മാസ്സ് ഇനിയും കൂടാനാണ് സാധ്യത. ഈ ഇന്‍ഫ്രാറെഡ് ചിത്രത്തില്‍ തരംഗദൈര്‍ഘ്യം കുറഞ്ഞവ നീല നിറത്തിലും തരംഗദൈര്‍ഘ്യം കൂടിയവ ചുവന്ന നിറത്തിലുമാണ് കൊടുത്തിരിക്കുന്നത്. ഇടതു വശത്തായി കാണുന്ന നീല ബിന്ദു മറ്റൊരു ഗാലക്സിയാണ്.

Thursday, July 23, 2009

ബഹിരാകാശത്തു നിന്നും ഒരു ഗ്രഹണക്കാഴ്ച

ഇക്കഴിഞ്ഞ സൂര്യഗ്രഹണത്തിന്റെ നിരവധി ഗ്രഹണ ചിത്രങ്ങള്‍ നാം കണ്ടു കഴിഞ്ഞു. ബഹിരാകാശത്തു നിന്നും ഈ ഗ്രഹണക്കാഴ്ച തികച്ചും രസകരമായ ഒരനുഭവമാണ്. ജപ്പാന്റെ MTSAT എന്ന ഭൂസ്ഥിര ഉപഗ്രഹം എടുത്ത ചിത്രമാണിത്. നാസയുടെ എര്‍ത്ത് ഒബ്സര്‍വേറ്ററി ഈ ചിത്രത്തെ ഇന്നത്തെ ചിത്രമായി തിരഞ്ഞെടുത്തിരിക്കുന്നു. ചൈനക്ക് മുകളില്‍ ഗ്രഹണം സംഭവിക്കുന്നതാണ് ചിത്രത്തില്‍. ചന്ദ്രന്റെ നിഴല്‍ വീണ പ്രദേശം ഇരുണ്ടനിറത്തില്‍ കാണാം. ഇവിടെ പൂര്‍ണ്ണഗ്രഹണം ദൃശ്യമാകും.





(ചിത്രത്തിന്റെ കടപ്പാട് Institute of Industrial Science & Earthquake Research Institute, University of Tokyo, Japan., നാസ എര്‍ത്ത് ഒബ്സര്‍വേറ്ററി)